ՀԱՅՏԱՐԱՐՈՒԹՅՈՒՆ Էդգար Վարդգեսի Հովհաննիսյանի սնանկության գործով շարժական գույքերի աճուրդ-վաճառքի մասին

2025թ. նոյեմբերի 28-ին ժամը 14:00-ին Էդգար Վարդգեսի Հովհաննիսյանի սնանկության գործով կառավարիչ` Հարություն Գևորգյանի կողմից ք. Երևան, Բագրատունյաց 13, 104 գրս. հասցեում կանցկացվի Էդգար Վարդգեսի Հովհաննիսյանին սեփականության իրավունքով պատկանող ներքոհիշյալ շարժական գույքերի հրապարակային սակարկություններով աճուրդ - վաճառքը, բաց դասական եղանակով:
Շարժական գույքերը աճուրդի են ներկայացվում, հետևյալ երկու լոտերով, այն է՝
Լոտ 1. BMW մակնիշի 320 I տիպարի, 69 VO 969 հաշվառման համարանիշով, 2003թ արտադրության տրանսպորտային միջոց, շարժիչը բենզինային՝ 2,2լիտր, 170 ձ․ու․։ Ավտոմեքենան գտնվում է սարքին վիճակում, անվահեծերը և անվադողերը գտնվում են միջին վիճակում, առկա են թեթև վնասվածքներ թափքի և հետևի աջ անվածածկոցի վրա։ Սրահը՝ կտորե երեսապատված, գտնվում է միջին վիճակում։ Մոնտաժված է գազաբալոնային համակարգ։ Ավտոմեքենայի ընդհանուր վիճակը գնահատվում է միջին։ Շուկայական արժեքը առ 15 07 2025թ դրությամբ կազմում է 1 930 000 /մեկ միլիոն ինը հարյուր երեսուն հազար / ՀՀ դրամ։
Լոտ 2. OPEL մակնիշի ASTRA 1,6 I տիպարի, 36 CF 312 հաշվառման համարանիշով, 2000թ արտադրության տրանսպորտային միջոց։ Ավտոմեքենան գտնվում է սարքին վիճակում։ Թափքի վրա առկա են վնասված, գունաթափված հատվածներ, մասնավորապես՝ դիմացի թափարգելների, հետևի անվածածկոցների, հետևի աջ դռան վրա։ Անվահեծերը և անվադողերը գտնվում են միջին վիճակում։ Սրահը՝ կտորե երեսապատված է, վարորդի նստատեղի վրա առկա է պատռված հատված։ Մոնտաժված է գազաբալոնային համակարգ։ Ավտոմեքենայի ընդհանուր վիճակը գնահատվում է միջին։ Շուկայական արժեքը առ 15 07 2025թ դրությամբ կազմում է 780 000 / յոթ հարյուր ութսուն հազար / ՀՀ դրամ։
Աճուրդին մասնակցելու ցանկություն ունեցող անձինք աճուրդի հայտարարությամբ սահմանված ժամկետում` բայց ոչ ուշ, քան աճուրդի անցկացման օրվանից հինգ օր առաջ, կարող են աճուրդի մասնակցության հայտ ներկայացնել ՀՀ, ք․ Երևան, Օտյան 53/2 հասցեում գտնվող ՀՀ սնանկության դատարանի գրասենյակ՝ հայտը գրասենյակի միջոցով կառավարչին փոխանցելու համար:
Աճուրդին մասնակցելու համար, հայտին կից պետք է ներկայացվեն՝
1) Հայտատու իրավաբանական անձի դեպքում՝ անվանումը, ծանուցման հասցեն,
իրավաբանական անձի պետական գրանցումը հավաստող փաստաթղթի և կանոնադրության, ինչպես նաև իրավաբանական անձի ներկայացուցչի անձը հաստատող փաստաթղթի պատճենները.
2) Անհատ ձեռնարկատեր հայտատուների դեպքում՝ նաև պետական հաշվառումը հավաստող փաստաթղթի և անձը հաստատող փաստաթղթի պատճենները.
3) Հայտատու ֆիզիկական անձի դեպքում՝ անունը, ազգանունը, ծանուցման հասցեն, կոնտակտային տվյալները, ներկայացուցչի միջոցով հանդես գալու դեպքում՝ ներկայացուցչի անունը, ազգանունը, ծանուցման հասցեն, կոնտակտային տվյալները.
Հայտում պետք է նշվի նաև՝ պարտապանի անվանումը, (ֆիզիկական անձի դեպքում՝ անունը, ազգանունը).
Աճուրդի անցկացման օրը, ամիսը, տարեթիվը.
Կառավարչի անունը, ազգանունը.
Հայտին կցվող փաստաթղթերի ցանկը:
Հայտը ստորագրվում է հայտատուի (նրա անունից հանդես եկող անձի, ներկայացուցչի) կողմից:
Հայտին կից ներկայացվում են.
1) Լոտի մեկնարկային գնի 5 տոկոսի չափով նախավճարի վճարումը աճուրդի մասին հայտարարությունում նշված սնանկության հատուկ հաշվին կատարված լինելու փաստը հաստատող անդորրագիրը.
2) Լոտի մեկնարկային գնի 1 տոկոսի չափով մանակցության գումարի վճարման անդորրագիրը
3) Լիազորագիր, եթե հայտատուն հանդես է գալիս լիազորված անձի միջոցով.
Աճուրդին կարող են ներկա գտնվել նաև աճուրդի մասնակից չհամարվող անձինք, ներառյալ` Հայաստանի Հանրապետության արդարադատության նախարարի գրավոր հանձնարարությամբ` Հայաստանի Հանրապետության արդարադատության նախարարության ներկայացուցիչները: Աճուրդի մասնակից չհամարվող անձինք, բացառությամբ Հայաստանի Հանրապետության արդարադատության նախարարության ներկայացուցիչների, աճուրդին ներկա գտնվելու համար վճարում են 10․000 /տաս հազար/ ՀՀ դրամի չափով մուտքի վճար։
Մասնակցության վճարը և նախավճարը պետք է վճարվի կանխիկ կամ փոխանցումով <<ՎՏԲ-Հայաստան բանկ>> ՓԲԸ-ում բացված Էդգար Վարդգեսի Հովհաննիսյանի սնանկության 16069047817911 հատուկ հաշվեհամարին, մինչև աճուրդին նախորդող օրը ներառյալ:
Աճուրդում հաղթող է համարվում առավել բարձր գին առաջարկած մասնակիցը:
Լոտի վաճառքից հետո հաղթողը և կազմակերպիչը ստորագրում են սակարկությունների արդյունքների մասին արձանագրությունը և տվյալ լոտի վերաբերյալ աճուրդը համարվում է ավարտված:
Աճուրդում հաղթող մասնակիցը պարտավորվում է աճուրդի արձանագրությունը ստորագրելուց հետո 10 օրվա ընթացքում ամբողջությամբ վճարել գույքի արժեքը: Հաղթող մասնակցի կողմից աճուրդի արձանագրությունը չստորագրելու կամ 10 օրվա ընթացքում ամբողջությամբ գույքի արժեքը չվճարելու դեպքում որպես կանխավճար մուծված գումարը չի վերադարձվում:
Եթե համապատասխան հայտ ներկայացրած անձը աճուրդին չի մասնակցում կամ մասնակցում է, սակայն չի հաղթում, ապա նրա կողﬕ վճարված նախավճարը ենթակա է վերադարձման, իսկ աճուրդի մասնակցության վճարը վերադարձման ենթակա չէ:
Աճուրդի մասնակցության վճարը անկախ աճուրդի արդյունքներից հայտ ներկայացրած մասնակիցներին վերադարձման ենթակա չէ:
Միաժամանակ հայտնվում է, որ գույքերի հետ կապված գույքահարկի և այլ պետական վճարումների նկատմամբ մինչ օրս առաջացած պարտավորությունների, ինչպես նաև գույքի ձեռք բերման դեպքում գույքի նոտարական և պետական գրանցման հետ կապված վճարային պարտավորությունների հետ կապված ծախսերը կատարվում են գնորդի կողմից:
Ցանկացողները՝ լոտն ուսումնասիրելու, ինչպես նաև աճուրդի կանոնակարգին ծանոթանալու համար, կարող են դիմել ՀՀ սնանկության դատարան` ք. Երևան, Օտյան 53/2, կամ զանգահարել սնանկության գործով կառավարիչ` Հարություն Գևորգյանին 094 41 99 15 հեռախոսահամարով: